Sámi allaskuvla lágidii riikkaidgaskasaš sámiid ja eará eamiálbmogiid duodje-, dáidda- ja hábmenkonferánssa 24.–25. golggotmánus 2012. Konferánsii ledje boahtán sullii 100 oasseváldi miehtá Sámi ja muhtun oasseváldit maiddái Kanadas. Duodji 2012 -konferánssa oasseváldit ledje duojárat, dáiddárat ja eamiálbmotduodje- ja dáidda-dutkit. Sámi allaskuvla háliidii dáinna konferánssain čalmmustahttit eamiálbmogiid kultuvrralaš ovdanbuktimiid ja dutkama. Konferánsa čohkkii dutkiid, guhte guorahallet duoji, dáiddaduoji, hábmema ja dáidaga eamiálbmotgeahččanguovllus. Konferánsa lei seammás deaivvadanbáikin duojáriidda, guhte besse buktit ovdan iežaset dujiid ja duddjoma čájáhusain ja bargobajiin. Konferánssa fáttát ledje čuovvovaččat: duodji, sámi duodje- ja dáiddametodologiijat ja eamiálbmot dáiddateoriijat. Konferánssa váldomihttun lei digaštallat eamiálbmogiid kultuvrralaš ovdanbuktimiid ja lahkonaddanvugiid fágaid rasttildeaddji geahččanguovllus eamiálbmotoktavuođain, muhto dattetge guovddážis lei sámi geahččanguovlu. Duodje-, dáidda- ja hábmenkonferánssa ulbmilin lei maiddái nanusmahttit eamiálbmogiid duodje- ja dáiddakultuvrra dutkiid dutkanfierpmádagaid ja fágasurggiid. Konferánsačállosat leat dál čohkkejuvvon čoakkáldahkan, mas leat guhtta ovdasága almmuhuvvomin. Čoakkáldagas leat guokte oanit čállosa ja njeallje guhkebuš čállosa. Artihkkalat guorahallet eamiálbmogiid duodje- ja dáidda geavadiid ja metodajearaldagaid eamiálbmotgeahččanguovllus. Moai giite buohkaid, geat leat sádden artihkkaliid dán čoakkáldahkii. - - The Sámi University College arranged an international conference on duodji (Sámi crafts), and indigenous arts, crafts and design on October 24th and 25th, 2012. The conference was attended by some 100 participants from Sápmi and also a few participants from Canada. The participants were Sámi craftspeople, artists, and indigenous researchers of crafts and art. Through the conference, the Sámi University College wanted to draw attention to indigenous cultural expressions and research. The conference brought together researchers who study duodji arts and crafts, design and art from an indigenous point of view. At the same time, the conference was a meeting place for Sámi craftspeople, who got the opportunity to present their craftwork and methods in exhibitions and workshops. The topics of the conference were: Sámi duodji, Sámi arts and crafts methodologies, and indigenous art theories. The main goal of the conference was to discuss indigenous cultural expressions and approaches from a multidisciplinary perspective and in indigenous contexts, but with a focus on the Sámi point of view. The conference also aimed at strengthening research networks among indigenous researchers of the culture of crafts and arts, and the academic field of crafts. After receiving the conference papers, we now publish six of the lectures presented at the conference in this collection of articles. The collection contains two shorter and four longer articles. The articles examine indigenous practices and methodological issues in the fields of crafts and arts from an indigenous perspective. We want to thank all the authors who sent their papers to this publication.