Nuohttái vuolgit: Láhpoluobbala guovllu várpenamaid guorahallan syntávssalaš-semantihkalaš geahččanguovllus

Abstract

Dán masterdutkamušas lean guorahallan Láhpoluobbala guovllu várpenamaid syntávssalaš-semantihkalaš analysamálle mielde. Lean jearahallan informánttaid, ja olles dutkamuš vuođđuduvvá informánttaid dieđuide. Dutkanmateriálas leat oktiibuot 108 várppi, ja oktiibuot 103 várppis lea namma. Mu materiálii lea mihtilmas dat, ahte várppiin sáhttet leat máŋga nama ja nammavariántta, ja dan geažil várppiid ja várpenamaid lohku ii leat seamma. Mu materiálas leat oktiibuot 119 várpenama. Bohtosat čájehit dan, ahte 58% dutkanguovllu namain leat metonymalaš sirddanamat ja 20% namain fas leat adposišuvdnaráhkadusat.

In this master’s thesis, I have analyzed seine fishing ground names in Láhpoluoppal area by using syntactic-semantic classification as a method. I have interviewed some informants, and the research is based on their knowledge and information. In the research materials, there are a total of 108 seine fishing grounds, and a total of 103 of these have names. What characterizes my research material is, that the seine fishing grounds can have several names and several name variants. Therefore, the number of the seine fishing grounds, and the number of the names are not the same. The results show, that 58% of the names are metonymic names and 20% are adpositional constructions.